13 C
Baku
Monday, April 15, 2024

Yaponiya inkişaf etməkdə olan ölkələrə hərbi yardım göstərəcək

Yaponiya hökuməti inkişaf etməkdə olan tərəfdaş ölkələrə hərbi yardım göstərmək üçün xüsusi proqramın yaradılmasını elan edəcək. Struktur OSA (Official Security Assistance) adını alacaq. Yeni proqram çərçivəsində dörd ölkəyə – Banqladeş, Malayziya, Fici və Filippin – yardımın göstərilməsi planlaşdırılır.

Banker.az bu barədə Kommersant-a istinadən xəbər verir.

Qeyd edək ki, Yaponiyada artıq ODA (Rəsmi İnkişaf Yardımı) sistemi mövcuddur. Qəzet yazır ki, yeni yardım sistemi xüsusilə inkişaf etməkdə olan ölkələrdə təhlükəsizlik imkanlarını gücləndirmək üçün nəzərdə tutulub .

Sistem üç prinsip çərçivəsində fəaliyyət göstərəcək. OSA sistemi hərbçilərin istifadə etdiyi limanlar və ya aerodromlar kimi infrastrukturun qurulması üçün nəzərdə tutulub.

Birinci mərhələ çərçivəsində Filippinə radarlar verilə bilər. Bu, ölkənin Cənubi Çin dənizində Çinin fəaliyyətindən qorunmağa kömək edəcək. Yeni təşəbbüsün həyata keçirilməsi üçün cari maliyyə ili üçün Yaponiyanın büdcəsində təxminən 2 milyard yen (14.9 milyon dollar) nəzərdə tutulub. “Yomiuri” qeyd edir ki, OSA və ODA-nın ümumi məqsədi “öz hegemon hərəkətlərini gücləndirən Çin və Rusiyaya qarşı çıxmaqdır”.

Yanvarda Yaponiya parlamenti ölkənin yeni inkişaf strategiyasını təsdiqləyib. Baş nazir Fumio Kişida Ukraynadakı hərbi münaqişəni və Asiyada Çin və Şimali Koreyadan qaynaqlanan təhlükəsizlik təhdidlərini əsas çağırışlar adlandıraraq, qarşıdakı 5 il ərzində 43 trilyon iyena (330 milyard dollar) çatacağı gözlənilən rekord müdafiə xərclərinə istinad edib. Bununla belə, sorğular göstərir ki, yaponların əksəriyyəti ölkənin hərbiləşdirilməsini istəmir.

Son xəbərlər
Digər xəbərlər