Yunanıstan hökuməti 2015-ci ilin iyun böhranı ilə əlaqədar maliyyə bazarına tətbiq etdiyi nəzarəti yumşaltmaq istiqamətində qərar verib.
Maliyyə naziri Evklid Tsakalotos tərəfindən imzalanan sənəd kapitala nəzarəti azaldır, bank müştərilərinin ayda bankdan çıxara biləcəyi məbləği çoxaldır. Sentyabrın 1-dən etibarən xarici ölkələrdən göndərilən vəsaitin böyük miqdarda çıxarılmasına yol veriləcək.
Hökumətin bundan sonra da nəzarəti yumşaltmaq istiqamətində addımlar atacağı gözlənilir.
