Ukrayna Prezidenti Vladimir Zelenskinin ailəsinə məxsus Toskananın Forte dei Marmi şəhərində İtaliyanın ən bahalı dənizkənarı kurortlarından birində hovuzlu malikanə 4,5 milyon avroya satılır.
Bu barədə Ukraynanın “Strana” nəşri məlumat yayıb. Bildirilir ki, Zelenski və xanımı Yelena 2015-ci ilin avqustundan İtaliyada 413 kvadrat metr sahəsi olan villa alıblar. Onlar əmlak üçün 3,164 milyon avro ödəyiblər. İki mərtəbəən ibarət olan evin saunası, trenajor zalı, masaj salonu, işçilər üçün xüsusi sahəsi, siqnalizasiya və videomüşahidə sistemi mövcuddur.
