Bank olmayan kredit təşkilatı “AZPUL” MMC (AZPULMAT) 2022-ci ildə 3 milyon 54 min manat xalis mənfəət əldə edib. 2021-ci ildə onun 74 min manatdan çox zərəri vardı.
Banker.az bunu BOKT-nin maliyyə hesabatına istinadən xəbər verir.
Hesabata görə, BOKT-nin gəlirləri illik müqayisədə 15 dəfə artaraq 7 mln. 459 min manat olub. BOKT ümumi və inzibati xərclərə 3 mln 33 min manat xərc çəkib.
Aktivlərinin həcmi 2022-ci il ərzində 5.6 dəfə artaraq 9 mln. 357 min manat təşkil edib.
Xatırladaq ki, BOKT “AZPUL” MMC 2018-ci ildə yaradılıb və AMB tərəfindən 2020-ci ilin sentyabrında lisenziya əldə edib. BOKT-nin fəaliyyət sahəsi, xırda istehlak kreditlərinin müştərilərə lisenziyalaşdırılmış fəaliyyət əsasında çatdırmaq və beləliklə də istehlakçılara və kiçik həcmli kreditlərə təlabatı olanlara maliyyə xidmətinin göstərilməsindən ibarətdir.
