Anomal istilər və tədarüklə bağlı məhdudiyyətlər fonunda dünyada ərzaq qiymətləri artıb.
Bu barədə Birləşmiş Millətlər Təşkilatının (BMT) hesabatında bildirilib.
Sənədə əsasən, iyul ayında qida məhsullarının qiymət indeksi 1,3 faiz artıb. İyun ayında iki illik minimuma çatdıqdan sonra üç ayda ilk dəfə olaraq belə bir artım qeydə alınıb.
Qiymətlərin artmasına dünyada tədarüklə bağlı yaşanan problemlər də təsir edib. İyul ayında Rusiya “Taxıl sazişi”ndən çıxıb, hansı ki, onun vasitəsilə Ukraynadan milyonlarla ton taxıl bazarlara daxil olurdu. Daha sonra ən böyük düyü ixracatçısı olan Hindistan daxili bazarda qiymətləri aşağı salmaq üçün bu əsas məhsulun bəzi növlərinin ixracına qadağa qoyub. Dünyadakı ərzaq qiymətlərinə ekstremal hava şəraiti təsir edir ki, bu da Çin və Cənubi Avropada məhsul yığımını şübhə altına qoyur.
Hindistanın düyü ixracına qadağa qoymasından sonra Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) bu məhsul üzrə indeksi 2011-ci ildən bəri rekord həddə çatıb. “Bu, dünya əhalisinin əhəmiyyətli bir hissəsi, xüsusən də ən yoxsullar və gəlirlərinin böyük hissəsini ərzağa xərcləyənlər üçün ərzaq təhlükəsizliyi ilə bağlı ciddi narahatlığına səbəb olur”, – deyə təşkilatın bəyanatında qeyd edilib.
Agentlik bildirir ki, ərzaq qiymətləri indeksinin dəyəri ötən ilin martında müəyyən edilmiş rekorddan xeyli aşağı olsa da, onun artması ərzaq inflyasiyası üçün yeni riskə çevrilir və bu da yüksək risk olaraq qalır.
Beləliklə, Misirdə ərzaq qiymətləri sürətlə artmağa davam edəcək, baxmayaraq ki, Keniya və Braziliyada artım yavaşlamağa, hətta azalmağa başlayıb.
Nəzərəçarpacaq dərəcədə bahalaşan daha bir məhsul bitki yağı olub, onun qiyməti 12 faiz bahalaşıb. FAO-nun məlumatına görə, artıma səbəb Şimali Amerikada palma yağı istehsalının zəif perspektivləri və məhsul problemləri olub.
