Yaponiyanın əhalisi keçən il təxminən 800 min azalaraq 122.42 milyon nəfərə düşüb. Məlumatları bu gün, iyulun 26-da Yaponiyanın Daxili İşlər və Rabitə Nazirliyi təqdim edib, Banker.az bu barədə Kommersant-a istinadən xəbər verir.
Ölkə əhalisinin sayı 14-cü ildir ki, azalır, son illərdə bu proses daha da sürətlənir. 2022-ci ildə Yaponiyada 1.56 milyon ölüm qeydə alınıb ki, bu da statistika tarixində rekord göstəricidir. Eyni zamanda doğulanların sayı ilk dəfə olaraq 800 mindən aşağı olub – 771 min.
Ötən il Yaponiyada 2023-cü ildə boş yaşayış binalarının sayının 10 milyona çatacağı bildirilmişdi. Bu, ilk növbədə ölkə əhalisinin sayının azalması ilə bağlıdır.
