2022-ci ildə Azərbaycanda 25 bankdan 24-ü xalis mənfəət açıqladı.2022-ci ildə banklar 914.5 mln. manat xalis mənfəət, 1 mlrd. 371.4 mln. manat məbləğində əməliyyat mənfəəti əldə etmişlər. 2021-ci ilin müvafiq dövrü ilə müqayisədə bankların xalis və əməliyyat mənfəəti müvafiq olaraq 50% və 45% artıb.
Banklar tərəfindən ümumilikdə 2022-ci il ərzində 261.5 mln. manat məbləğində mənfəət vergisi ödənilmişdir.
Banker.az xəbər verir ki, kommersiya banklarından ən böyük xalis mənfəət “Kapital Bank” ASC-yə məxsusdur. Ölkənin ən böyük xidmət şəbəkəsinə sahib olan bank hesabat ilində 308 mln. manatlıq xalis mənfəət əldə etdi.
İkinci sırada 254 mln. manatla ABB və üçüncü sırada isə 149 mln. manatla “PAŞA Bank” ASC dayanır.
YENİLƏNİB
Son yeniləmə vaxtı 26 yanvar 2023, 09:20
