Banker.az saytının Republic nəşrinə istinadən verdiyi xəbərə görə, Aİ şurası ittifaqa daxil olan bütün ölkələrin ərazisində yaşayan insanlar üçün rouminqi ləğv edib.
“İyun ayının 15-dən başlayaraq, Aİ-nın digər ölkələrinə səfər edən mobil telefon istifadəçiləri hər hansı əlavə xərc olmadan zəng edə, mətn mesajları göndərə və yaxud internetdən istifadə edə bilər” – deyə şura bildirib. 15 iyun tarixindən sonra pulsuz rouminq İslandiya, Lixtenşteyn və Norveç sakinləri üçün də keçərli olacaq.
Aİ ölkələri ərazisində müştərilərə xidmət üçün operatorların qiymət əlavəsi 1 dəqiqəlik danışıq üçün 0,03, SMS üçün isə 0,01 avronu keçməyəcək.
