Bu ilin iyununda may ayı ilə müqayisədə qeyri-neft sektoru üzrə ixrac 21 faiz artıb. İyun ayı üzrə ixrac olunan əsas mallar pomidor, qızıl, albalı, kartof, şəkər və sairədir.
İqtisadi İslahatların Təhlili və Kommunikasiya Mərkəzindən AZƏRTAC-a bildiriblər ki, bu barədə Mərkəzin “İxrac İcmalı”nın iyul ayı üçün sayında qeyd edilib.
Qeyri-neft məhsullarının ixrac edildiyi ölkələrin siyahısına Rusiya başçılıq edib. Sonrakı yerlərdə isə İsveçrə, Türkiyə, Gürcüstan, Türkmənistan və digər ölkələrin adları var.
