Banker.az Macerkopf nəşrinə istinadən xəbər verir ki, Amerikanın Apple şirkətinin yeni smartfonu iPhone 8 modeli ilk olaraq 15 sentyabr tarixindən başlayaraq satışa buraxılacaq.
Apple 12 sentybarda öz yeniliklərini təqdim etməyi vəd edib. Qeyd edilir ki, mağazalarda yeni smartfonların satışı 22 sentyabr tarixinə nəzərdə tutulub. Bu istehsalçının adi təcrübəsidir: ilkin satışlar təqdimatdan sonra ən yaxın cümə günü başlayır.
Çinli analitik Minq Çi Kuo bildirib ki, yubiley iPhone məhdud sayda bazara buraxılacaq.
Satışlara start verildiyi gün 2-4 milyon cihazın əlçatan olacağı gözlənilir.
Qeyd edək ki, bu yaxınlarda yeni gadgetin texniki xüsusiyyətləri, həmçinin qiymətləri barədə məlumatlar yayıldı.
Analitiklər bu smartfonların qiymətlərinin belə olacağını iddia edirlər: 64 GB yaddaşlı cihaz 999 dollara, 256 GB yaddaşlı smartfon 1099 dollara, 512 GB-lıq telefon isə 1199 dollara satılacaq.
