2018-ci il ərzində Dövlət Gömrük Komitəsinin (DGK) xətti ilə büdcə daxilolmaları 3 434 062 mln. manat təşkil edib.
Banker.az DGK-ya istinadən xəbər verir ki, bu, 2017-ci ilə müqayisədə 825 282,39 min manat yaxud 31,6% çoxdur.
Ötən il ərzində gömrük rüsumları üzrə daxilolmalar 176 276,46 min manat və yaxud 24,9% artaraq 883 150,8 min manat, əlavə dəyər vergisi (ƏDV) üzrə daxilolmalar 567 594,76 min manat və yaxud 32% artaraq 2 340 784,50 min manat, aksizlər üzrə daxilolmalar 76 041,5 min manat və yaxud 81% artaraq 169 964,9 min manat, yol vergisi üzrə daxilolmalar isə 5 369,67 min manat və axud 15,4% artaraq 40 161,80 min manat olub.
Xatırladaq ki, ötən ilin II rübündə yeni hökumət formalaşarkən DGK-nin sədri vəzifəsini icra edən Aydın Əliyevin adı Nazirlər Kabinetinin siyahısında yer almamışdı və onun yerinə Səfər Mehdiyev təyin olunmuşdu.
