Ötən həftə “Xiaomi”nin “Android Go” əməliyyat sistemi ilə konfiqurasiya olunmuş “Redmi Go”nun texniki xüsusiyyətləri haqqında məlumat sızmışdı.
Banker.az məlumat üçün bildirir ki, artıq bu modelin Avropada satışa çıxarılacağı tarix və qiyməti bəlli olub.
Beləliklə, “Redmi Go”nun Avropa mağazalarında satışa çıxarılması fevral ayına planlaşdırılır, qiyməti isə 80 avro olacaq. Asiyada satışa çıxarılma vaxtı daha gec olsa da, aradakı fərq elə də böyük olmayacaq.
Smartfonun texniki xüsusiyyətlərinə gəlincə, ekranın diaqonalı 5 düym, arxa kamera 8, ön kamera 5 MP, prosessoru “SoC Snapdragon 425”, 1 GB/ 8GB yaddaş, batareyası isə 3000 mAh-dır.
©finans.az
