Birjalardan gələn məlumatlar İraqda baş verən məlum hadisələrin yapon iyeninin və İsveç frankının bahalaşmasına gətirib çıxardığını göstərir.
Hər iki valyuta son 5 ildə dollara nəzərən ən yüksək həddinə çatıb.
Bu gün səhərə olan məlumatlara görə, avro dollar qarşısında ucuzlaşaraq son 4 ayın ən aşağı həddinə düşüb. “Bank of England”ın yaydığı hesabatda hazırda 1 Britaniya sterlinqinin son 5 ilin ən yüksək həddinə çatdığı və 1,7 dollara satıldığı deyilir.
Ümumilikdə dollar və avro 0,2 faiz ucuzlaşıb. Əvvəllər 1 dollar 102,80 iyen idisə, indi 1 dollar 101,80 iyenə dəyişdirilir. Ekspertlər bu rəqəmlərin ayın sonuna qədər 101,60-a düşəcəyini proqnozlaşdırır.
1 avro əvvəllər 137,705 yapon iyeninə satılırdısa, hazırda bu rəqəmin də 0,2 faiz aşağı düşdüyü və 137,73 iyendə dayandığı deyilir.
Bu tipli proseslərdə ucuzlaşma müşahidə edilən İsveç frankı isə öz mövqeyini qoruyub saxlaya bilib. Rəsmi məlumatlara görə, hazırda 1 dollar və 1 avro öz növbəsində 0,8995 və 1,2180 İsveç frankına bərabərdir.
Avropa Mərkəzi Bankı (AMB) avronun dollar qarşısında ucuzlaşmasının da qeydə alındığını açıqlayıb. AMB-nin məlumatına görə, bir neçə gün öncə 1,35155 dollara satılan 1 avro hazırda 0,2 faiz ucuzlaşarq 1,3503 dollar olub.
Xatırladaq ki, artıq OPEC də neftin qiymətinin kəskin artacağı ilə bağlı proqnozlarını açıqlayıb. Əsas səbəb kimi isə İraqın Mosul və başqa neft mərkəzlərinin terrorçların əlinə keçməsi göstərilir.
axar.az
