2020-ci ildə dünya ÜDM-un artım tempi 0,1-0,2 faiz punktu aşağı düşəcək.
Banker.az xəbər verir ki, bu haqda “Goldman Sachs” ın proqnozuna istinadən “Financial Times” məlumat verib.
Bankın qiymətləndirmələrinə görə, dünya ÜDM-nun artım tempi 3,25% təşkil edəcək. Xatırladaq ki, ötən ildə bu göstərici 3,1% olmuşdur.
“Goldman Sachs” ın aparıcı iqtisadçısı Yan Harsius (Jan Hatzius) qeyd edir ki, ikinci rübdə koronavirusun qarşısı alınmasa dünya ÜDM 0,3 faiz punktu itirə bilər.
“Dünya ÜDM-nun artım tempini bərpa etmək üçün 2021-ci ili gözləməli olacağıq”, – rəhbər bildirib.
Bankın verdiyi məlumata görə, koronavirusun yayılmasından irəli gələn itkiləri ikinci rübdə kompensasiya etmək mümkün olmayacaq.
Xatırladaq ki, 2019-cu il dekabrın 31-də Çin hökuməti ölkənin mərkəzində (Uhan şəhəri) naməlum sətəlcəm xəstəliyinin yayılması haqqında məlumat verib. Ümumdünya Səhiyyə Təşkilatı məsələ ilə bağlı qlobal fövqəladə vəziyyət elan edib
