Azərbaycanda 2019-cu ilin dekabr ayı ərzində POS-terminalların ümumi sayı noyabr ayı ilə müqayisədə 2% və ya 1 178 ədəd artaraq 67 468 ədəd təşkil edib.
Banker.az bu barədə Mərkəzi Banka istinadən xəbər verir.
2018-ci ilin sonunda isə POS-terminalların ümumi sayı 66 110 ədəd təşkil edib. Belə ki, illik müqayisədə 2019-cu ildə pos-terminalların sayı 1 358 ədəd çoxalıb.
2019-cu ilin dekabrında ölkədə mövcud olan POS-terminallların 65 971 ədədi pərakəndə ticarət, iaşə və digər xidmət müəssisələrində quraşdırılıb. Bu da aylıq müqayisədə POS-terminalların sayında 1 130 ədəd artım deməkdir.
POS-terminalların 40 898 ədədi Bakıda, 26 570 ədədi isə regionlarda quraşdırılıb.
2019-ci ilin sonunda Azərbaycanda banklar tərəfindən 2 647 ədəd bankomat quraşdırılıb ki, bu da 2018-ci ilin sonuna nisbətən 145 ədəd və ya 6% çoxdur.
Dekabr ayında Bakıda 1421 ədəd (noyabr ayı ilə müqayisədə 9 ədəd artım), bölgələrdə 1226 ədəd (11 ədəd artım) bankomat quraşdırılıb.
