Azərbaycanda avtomobil zavodlarında minik avtomobillərin istehsalı 2020-ci ilə daha sürətli başlayıb. İlin ilk ayında ölkədə 192 minik avtomobili istehsal edildiyi halda, ikinci ayda, fevralda daha 288 ədəd istehsalı gerçəkləşib. Bu da 2020-ci ilin yanvar-fevral ayları ərzində 480 avtomobil istehsalı etməsi deməkdir. Banker.az bildirir ki, bu məlumatları AzStatKom yayır.
İlk iki ayda gerçəkləşən minik avtomobilləri istehsalı, ötən ilin eyni dövrü ilə müqayisədə 2,7 dəfə daha çox istehsal edilməsi deməkdir. Lakin, istehsal edildikdən sonra, yalnız 38 avtomobilin satışı mümkün olub.
Yaxın keçmişdə Neftçala Avtomobil Zavodunda istehsalçı müəssisə olan “Azərmaş” ASC-nin sədri Emin F. Axundov bildirmişdi ki, yeni biznes siniflinə aid olan “Khazar” avtomobillərin istehsalı da mümkün olacaq.
Hazırda ölkənin anbarında minik avtomobillərinin sayı 172 ədəddir.
