Azərbaycan Beynəlxalq Bankının törəmə qurumu olan «ABB-Gürcüstan» bankının xalis mənfəəti 2014-cü il iyulun 1-nə 1,333 mln. lari təşkil edib ki, bu da ötən ilin müvafiq dövrünün göstəricisindən 145,3% çoxdur. Bu barədə Azərbaycan Beynəlxalq Bankının mətbuat xidmətindən məlumat verilib.
Bu ilin iyulun 1-nə bankın məcmu kapitalı 40,5 mln. lari təşkil edib ki, bu da ötən ilin müvafiq dövrünün göstəricisindən 15,6% çoxdur. Bankın səhmdar kapitalı hesabat dövrü ərzində 9,8% artaraq iyulun 1-nə 27,5 mln. lari təşkil edib.
