Avropa Parlamentində Avropa Birliyinin demokratik proseslərinə xaricdən müdaxiləni araşdırmaq üçün xüsusi komitə yaradılıb.
APA xəbər verir ki, bu barədə AP-nin mətbuat xidməti məlumat yayıb.
“Avropa Birliyində müxtəlif demokratik proseslərə xaricdən müdaxilə üzrə xüsusi komitə” adını alan yeni quruma 33 avropalı deputat daxildir. Ona Fransadan seçilmiş Rafael Qlüksman rəhbərlik edir.
Yeni komitənin vəzifəsinə “xaricdən müdaxilə və kampaniyaların maliyyələşdirilməsinin AB-də seçkilərə necə təsir göstərə biləcəyini və AB-nin dezinformasiyaya qarşı necə mübarizə aparacağını təhlil etmək” daxildir.
