Avropa Şurasının baş katibi Maria Peichinovich-Buric, Azərbaycan və Ermənistanı Avropa İnsan Haqları Məhkəməsinin (AİHM) tələbini yerinə yetirməyə və hərbi əməliyyatları dayandırmağa çağırdı.
Banker.az xəbər verir ki, bu barədə onun açıqlamasında deyilir .
“Bütün münaqişə tərəflərini dərhal hərbi əməliyyatları dayandırmağa və AİHM-in qəbul etdiyi müvəqqəti tədbirləri dərhal həyata keçirməyə çağırıram”
Çərşənbə günü Avropa İnsan Haqları Məhkəməsi, öz qaydalarının 39-cu qaydasını tətbiq etmək qərarına gəlib və Azərbaycan və Ermənistanı “mülki şəxslərin hüquqlarını pozan, o cümlədən həyat üçün təhlükə olan hər hansı tədbirlərdən, xüsusən hərbi əməliyyatlardan çəkinməyə” çağırıb.
