London Universitet Kolleci və Kral Milli Komitəsinin elm adamları, Covid-19 diaqnozu qoyulmuş bir çox xəstənin eşitmə qabiliyyətində dəyişiklikləri aşkar ediblər.
Banker.az bu barədə xarici KİV-ə istinadən xəbər verir.
Mütəxəssislər müəyyənləşdiriblər ki, koronavirusun aşkarlandığı xəstələrin bir hissəsi tinnitusdan – qulaq cingiltisi və ya səs-küydən şikayət edirlər. Bundan əlavə, koronavirusu olan xəstələrin eşitmə qabiliyyətini tamamilə itməsi halları müəyyən edilmişdir.
Alimlər həkimləri xəstələrin eşitmə səviyyəsindəki dəyişikliklərə diqqət yetirməyə və Covid-19 diaqnozu qoyulduqda onları müalicə etmək üçün profilaktik tədbirlər görməyə çağırıblar.
