“AstraZeneca” şirkəti Rusiyanın “Sputnik V” peyvəndinin inkişafetdiriciləri ilə əməkdaşlıq etməyə razılıq verib.
Banker.az bu barədə “RİA Novosti”yə istinadən xəbər verir.
“Bu gün biz AZD1222 və Sputnik V peyvəndinin birgə istifadəsinin təhlükəsizliyini və immunogenliyini qiymətləndirmək üçün kilin sınaq proqramının başladığını elan edirik”, – mesajda deyilir.
Sınaqlarda 18 yaşdan yuxarı könüllülər iştirak edəcək. Şirkət fərqli peyvəndlərin kombinasiyalarının Covid-19-un qarşısının alınmasında əhəmiyyətli bir addım ola biləcəyini qeyd edib.
