“TikTok sosial şəbəkəsinə sahib olan “ByteDance” şirkəti gəlirini iki dəfədən çox artırıb. Nəticədə, 2020-ci ildə onun gəliri 35 milyard dollar təşkil edib.
Banker.az bu barədə xarici KİV-ə istinadən xəbər verir.
Bu, ABŞ-ın keçmiş prezidenti Donald Tramp administrasiyasının “TikTok”u satmağa məcbur etmə cəhdləri fonunda baş verib.
Hesablamalara görə, “ByteDance”ın əməliyyat gəliri 4 milyard dollardan 7 milyard dollara yüksəlib. Materialda göstərildiyi kimi, göstəricilərin artması “TikTok”un bütün dünyada populyarlaşması ilə əlaqəli olub. 2020-ci ildə şirkət təqribən 180 milyard dollar dəyərində qiymətləndirilib və Honkonq birjasına çıxıb.
Xatırladaq ki, ötən ildə ABŞ-ın keçmiş prezidenti Donald Tramp ölkədə “TikTok”un fəaliyyətini məhdudlaşdırmağa cəhd edib. Nəticədə, “ByteDance” aktivlərini Amerika şirkətlərinə (“Oracle” və “Walmart”) satmağa razılaşıb. Tramp müqaviləni təsdiq edib.
