“OPEC+” ölkələrinin nazirlər görüşünün iyulun 18-də keçirilməsi planlaşdırılır.
Banker.az bu barədə “Kommersant”a istinadən xəbər verir.
Verilən məlumata görə, təşkilat üzvləri arasındakı fikir ayrılıqları artıq həllini tapıb.
“Böyük ehtimalla görüş sabah keçiriləcək. Məlumatların rəsmi təsdiqini gözləyirik”, – deyə mesajda bildirilib.
Bu həftə “OPEC+” ölkələri yeni istehsal şərtləri haqqında BƏƏ ilə razılığa gələcək. Əbu-Dabi müqavilənin gələn ilin sonun qədər uzadıldığı təqdirdə, 2022-ci ilin aprel ayından etibarən istehsalın 3.65 milyon barelə qədər azaldılmasına nail ola bilər.
