“Bank VTB (Azərbaycan) ASC-nin Müşahidə Şürası Maksim Vlasovun Bankın İdarə Heyətinin üzvü seçilməsini qərar verib.
Bu barədə Banker.az-a Bankın mətbuat xidmətindən məlumat verilib.
M.Vlasov İdarə Heyətinin üzvü seçilmələ paralel bankın maliyyə strategiyasının inkişafına, maliyyə göstəricilərinin proqnozlarına, dilinq əməliyyatlarına, maliyyə və vergi uçotuna nəzarəti həyata keçirərək maliyyə departamentinə də rəhbərlik etməyə davam edəcək.
Maksim Vlasov bank sahəsində 12 ildən artıq fəaliyyət göstərir, Rusiyanın bir sira banklarında (Barclays Bank, Absolut Bank, Sberbank və digərlərində) müxtəlif vəzifələrdə çalışıb.
2021-ci ilin aprel ayından VTB (Azərbaycan) ASC-də maliyyə departamentinin direktoru vəzifəsində çalışır.
