Füzulidə Zəfər Parkı və İşğal muzeyi salınacaq.
Bu barədə Prezident İlham Əliyev Füzuli rayon ictimaiyyətinin nümayəndələri ilə görüşdəki çıxışı zamanı deyib.
Şəhərsalma və Arxitektura Komitəsinin sədri Anar Quliyev əlavə edib ki, 5 hektarlıq ərazidə İşğal muzeyi, Memorial Kompleks və ona bitişik Zəfər parkı salınacaq: “Füzuli Memorial Kompleksi şəhərin mərkəzi hissəsində yaradılacaq. Həmçinin yüksək bir məkanda Bayraq meydanı yaradılacaq”
Qeyd edilib ki, dağıntılar bu gün həmin ərazidədir, olduğu kimi konservasiya olunub saxlanılacaq.
Daha sonra dövlət başçısı ilə xanımı Memorial Kompleksin və şəhərin bərpasının təməl daşını qoyublar.
