Financial Times nəşrinin verdiyi məlumata görə, Yunanıstan hökuməti aprel ayının sonuna qədər beynəlxalq kreditorlarla razılıq əldə edilmədiyi halda dövlət borcuna görə defolt elan edə bilər.
Mənbənin verdiyi məlumata görə, avropalılar maliyyə yardımı fonduna pul köçürməsələr, Yunanınstanın defolt elan etməkdən başqa digər alternativ variantı olmayacaq.
Bildirilir ki, Yunanıstanın xəzinəsində dövlət qulluqçularının əmək haqqlarını və təqaüdləri ödəmək üçün pul qutarmaqdadır. Bundan əlavə, may və iyun ayında Afina Beynəlxalq Valyuta fonduna 2,5 milyard avro köçürməlidir.
