“WhatsApp” messencerinin masaüstü versiyasında tezliklə səsli mesajları arxa fonda dinləmək mümkün olacaq. Xatırladaq ki, daha əvvəl bu rejim yalnız iOS-un beta-versiyasında olub.
Banker.az xəbər verir ki, səsli mesajlara arxa fonda qulaq asmaq funksiyası əsas menyuya və ya bir söhbət otağından digərinə keçməyə imkan verəcək. Vurğulanır ki, səsli mesaj pleyeri ekranın aşağı hissəsində yerləşəcək.
Pleyer paneli istifadəçilərə səsli mesajı idarə etməyə kömək edəcək – oxutmanı dayandırmaq və ya davam etdirmək.
Yenilik artıq “WhatsApp”ın masaüstü messencerinin ən son beta-versiyasında mövcuddur.
