Rusiya limanlarından neftin ənənəvi olaraq əsas alıcıları olan Aİ ölkələrinə ixracı aprel ayında gündəlik orta hesabla 1,6 milyon barelə yüksəlib, martda isə bu göstərici 1,3 milyon barel olub.
Bu məlumatlar “TankerTrackers.com”da öz əksini tapıb. Oxşar rəqəmlər “Kpler” analitik şirkətinin məlumatlarında da görülür – neft ixracı martın ortalarında 1 milyon barellə müqayisədə apreldə gündəlik 1,3 milyon barel olub.
Ehtimal olunur ki, söhbət neftin mənşəyini gizlədə biləcək şərtlərlə qeyri-şəffaf bazarın formalaşmasından gedə bilər. Prezident Vladimir Putinin elan etdiyi müharibə əməliyyatının başlamasından sonra Qərb tacirləri Rusiya ilə ticarət apararkən reputasiyalarını riskə atmaqdan ehtiyat edirlər.
