Çin Xalq Bankı milli valyutanın məzənnəsini dollara nisbətdə 156 bənd ucuzlaşdıraraq 6.7290 yuana endirib. Bu, 16 oktyabr 2020-ci il tarixindən bəri minimum göstərici olub. Banker.az “Kommersant”a istinadən xəbər verir ki, ardıcıl olaraq dörd gündür ki, yuan zəifləməyə davam edir.
2020-ci ildə yuan koronavirus səbəbindən bir neçə ay dollar qarşısında dəyər itirərək, may ayına qədər 2008-ci ilin fevralından bəri ən aşağı səviyyəyə (7.1316 yuan/dollar) düşüb. Daha sonra Çin valyutası möhkəmlənməyə başlayıb və 2021-ci ildə 6.35-6.57 yuan/dollar səviyyəsində olub. 2022-ci ilin aprel ayında yuan dollara nisbətdə 681 baza bəndi azalaraq 2015-ci ildən bəri ən böyük eniş göstərib.
