Yaponiyanın “Isuzu” avtokonserni Rusiyada avtomobil istehsalını dayandırmaq imkanını nəzərdən keçirir. Bu barədə sentyabrın 27-də “İnterfaks” agentliyi Yaponiya mətbuatına istinadən məlumat yayıb.
Şirkət bu qərarı Rusiyanın Ulyanovsk şəhərindəki avtomobil zavodunun obyektlərinə komponentlərin tədarükünün mümkünsüzlüyünə görə qəbul edə bilər.
“Isuzu” brendi 2006-cı ildən Rusiya Federasiyasında rəsmi olaraq təmsil olunur. “Isuzu” kommersiya avtomobillərinin sırasına ümumi çəkisi 3.5 ilə 33 ton arasında olan şassilər, həmçinin “Isuzu D-Max” kommersiya pikapları daxildir.
Qeyd edək ki, həmçinin “Toyota” və “Mazda” da Rusiyada fəaliyyəti dayandırmağa qərar veriblər.
