“Forbes” jurnalının səkkizinci ən zəngin adamı olan hindistanlı milyarder Mukeş Ambani “Liverpool” futbol klubunu almaqda maraqlıdır. Məlumata görə, Yaxın Şərq və ABŞ şirkəti onunla bu işdə rəqabət apara bilər.
Klubun indiki sahibi “Fenway Sports Group” onu 2010-cu ildə 300 milyon funta alıb. Qrup noyabrın 7-sidə futbol klubunu satmağa hazır olduğunu açıqlayıb. Ambani 2010-cu ildə də klubu almaqda maraqlı olub.
Banker.az bu barədə “Forbes”a istinadən xəbər verir.
Mukeş Ambani – Hindistanın ən zəngin iş adamıdır. Onun sərvəti 94.7 milyard dollar olaraq qiymətləndirilir. Hindistanlı milyarder “Mumbai Indians” kriket komandasının sahibidir və Hindistanın super liqa futbolunun yaradılmasında iştirak edib.
“Mumbai Indians” – Hindistan kriketindəki ən uğurlu komandalardan biridir. Ambani həmçinin “Reliance Industries” holdinqini idarə edir. Şirkətin əsas gəliri neft emalı, pərakəndə satış və telekommunikasiyadan ibarətdir.
