Suriyanın Hasake əyalətinin cənubundakı Şəddadi bölgəsində yerləşən ABŞ-ın hərbi bazası raket atəşinə tutulub, xəsarət alan olmayıb.
Bu barədə ABŞ Silahlı Qüvvələrinin Mərkəzi Komandanlığının mətbuat xidmətinin bəyanatında deyilir.
Qeyd olunub ki, ABŞ-ın Şəddadidəki patrul bazasına iki raket atılıb:
“Hücum nəticəsində xəsarət alan olmayıb, baza və ya koalisiya əmlakına heç bir ziyan dəyməyib. Raketlərin atıldığı yerə baxış keçirilib və üçüncü partlamamış raket aşkarlanıb” – məlumatda vurğulanıb.
