Tarixçəsi barədə, qısaca
Model bir qurumun mükəmməl fəaliyyəti üçün lazım olan meyarların axtarışı nəticəsində formalaşmağa başlamışdır (bu 2 professor tərəfindən aparılırdı). Həmin ərəfələrdə (1978-81) isə digər 2 professor dünyada uğurlu fəaliyyət göstərən Yaponiya sənayesinin yüksək nəticələrinin səbəblərini araşdırırdı. Sonradan bu 4 professorun qarşılıqlı müzakirələri McKinsey 7S modelini meydana gətirmişdir.
Model barədə, qısaca
– Bir qurumun effektiv və nəticədə uğurlu fəaliyyəti üçün 7 elementin eyni səviyyəyə gətirilməli və aparılmalı (icra edilməli) olduğunu fərz edir
– Tətbiq edildikdə qurumun müvəffəqiyyətini təmin edən 7 element arasında disbalansı asanlıqla görmək və onları aradan qaldırmaq mümkündür
– Qurumlarda mühüm strateji planlaşdırma aləti olaraq istifadə olunur
7S (7 Element) barədə, qısaca
Elementlər: Struktur, Strategiya, Sistem, Daxili Dəyərlər, Bacarıq, Stil və Heyət
Bu elementlər özləri də sərt və yumşaq olaraq təsnifləşdirilir.
Sərt elementlər:
– Strategiya
– Struktur
– Sistemlər
Bu elementləri idarə etmək asandır və uğurlu olması menecmentdən (şəxslər və davranış) asılıdır.
Yumşaq elementlər:
- Daxili dəyərlər
- Bacarıqlar
- Stil
- Heyət
Bu elementləri mütləq idarə etmək isə bir qədər çətin olur və uğurlu olması qurumun daxili mədəniyyətindən çox asılıdır.
Növbəti yazıda 7 elementin hər birinə təfərrüatlı olaraq toxunulacaqdır.
HAŞİYƏ
“McKinsey nədir?”
McKinsey & Co. beynəlxalq məsləhət firmasıdır. Əsası 1926-cı ildə Çikaqo Universitetinin professoru James O. McKinsey tərəfindən qoyulmuşdur. Fəaliyyəti müxtəlif beynəlxalq təşkilatlar, dövlət qurumları və şirkətlər üçün menecment məsləhətlərini təqdim etməkdən ibarətdir.
