Hökumətdə Sosial Demokrat Partiyasını təmsil edən İsveçrənin daxili işlər naziri Alen Berse bazar günü ölkə Prezidenti vəzifəsinin icrasına başlayıb.
O, 2023-cü il ərzində Prezident səlahiyyətlərini nazir vəzifələri ilə eyni vaxtda həyata keçirəcək.
Ölkədə prezident seçkiləri 2022-ci il dekabrın 7-də parlamentin iki palatasının birgə iclasında keçirilib. Alen Berse xarici işlər naziri İnaysio Kassisi prezident postunda əvəzləyib. Siyasi olimpiadadakı bu dəyişiklik İsveçrənin xarici və daxili siyasətinə heç bir şəkildə təsir etməyəcək, çünki Federal Şura (hökumət) bütün vacib məsələləri kollektiv şəkildə həll edir.
Qeyd edək ki, Berse 9 aprel 1972-ci ildə İsveçrənin qərbindəki Fribourq kantonunda anadan olub. İqtisadiyyat elmləri doktorudur. O, 2012-ci ildən hökumətdə işləyir, Daxili İşlər Nazirliyinə (Federal Departament) rəhbərlik edir, o, digər məsələlərlə yanaşı, sosial təminat, səhiyyə və mədəniyyət sahəsinə cavabdehdir.
Berse 2018-ci ildə də Prezident vəzifəsini icra edib və bu vəzifəyə yeni seçki onun siyasi tərcümeyi-halında ikinci olub.
