Gürcüstan Baş naziri İrakli Qaribaşvili Ermənistana səfər edəcək.
Qaribaşvilinin rəhbərlik etdiyi nümayəndə heyəti bu gün Ermənistana işgüzar səfər edəcək.
Bildirilib ki, Baş nazir Nikol Paşinyan və İrakli Qaribaşvilinin rəhbərliyi ilə Ermənistan və Gürcüstan arasında iqtisadi əməkdaşlıq üzrə hökumətlərarası komissiyanın iclası keçiriləcək.
Baş nazirlər arasında təkbətək görüş də gözlənilir.
***
Ermənistanın baş naziri Nikol Paşinyan və Gürcüstanın hökumət başçısı İrakli Qaribaşvilinin görüşü olub.
Bunu N.Paşinyan feysbuk səhifəsində yazıb.
Onun sözlərinə görə, gürcü həmkarı ilə xüsusi söhbəti olub.
“Ermənistanla Gürcüstan arasında iqtisadi əməkdaşlıq üzrə hökumətlərarası komissiyanın növbəti iclasından əvvəl İrakli Qaribaşvili ilə xüsusi söhbət etdik”, – N. Paşinyan bildirib.
Qeyd edək ki, Gürcüstanın baş naziri Ermənistanda işgüzar səfərdədir. O, yanvarın 12-də hökumətlərarası komissiyanın iclasına qatılıb.
