“Bloomberg” yazır ki, Rusiya keçən il xaricə əmtəə ixracından əldə etdiyi gəlirin təxminən üçdə birini saxlamağı bacarıb. Agentliyin hesablamalarına görə, Moskva xaricdəki 227 milyard dolların təxminən 80 milyard dollarını nağd pul, daşınmaz əmlak və şirkət investisiyaları şəklində saxlayır. “Bloomberg”in dediyi kimi, bu “kölgə ehtiyatları” keçən il sanksiyalar fonunda formalaşan rekord ticarət profisitinin nəticəsidir.
Banker.az bu barədə “The Bell” nəşrinə istinadən xəbər verir.
İqtisadçı Aleksandr İsakov deyir ki, beynəlxalq aktivlərin yığılması qəsdən deyil, məcburi şəkildə həyata keçirilib: sanksiyalar idxalın, əmtəə qiymətlərinin artması isə ixracın artmasına səbəb olub.
“Bloomberg” hesab edir ki, ümumilikdə Rusiya 2022-ci ildə beynəlxalq aktivlərdə ÜDM-in təxminən 5% ekvivalentini toplaya bilib. Bu, 2009-2013-cü illərdəki göstəriciyə yaxındır. Agentlik qeyd edir ki, Rusiyanın xaricdəki bu yığımları onun rəqiblərinin hədəfinə çevrilə bilər.
