“TCF Bank Olmayan Kredit Təşkilatı” ASC 2022-ci ildə faiz gəlirlərini yüksəldi, lakin problemli kreditlər üzrə ayırmalar onun xalis mənfəətin kəskin təsir göstərib.
Banker.az “TCF” BOKT-un illik audit hesabatına istinadla xəbər verir ki, ötən il 2 mln. 801 min manat faiz gəliri əldə edib. Bu, illik 44 faiz artımdır. Faiz xərcləri 1 mln. 5 min manat olub (2021: 504 min manat).
Audit hesabatında göstərilir ki, maliyyə aktivlərinin dəyərsizləşməsi üzrə 588 min manat xərc çəkib. Onun ümumi və inzibati xərcləri illik müqayisədə 34% artımla 706 min manat olub.
Beləliklə, 2022-ci ildə 270 min manat xalis mənfəət əldə edib. 2021-ci ildə onun xalis mənfəəti 818 min manat idi.
Bu xalis mənfəətdən sonra onun balansında 801 min manat yığılmış mənfəət var.
