Pirallahı Sənaye Parkının rezidenti kimi qeydiyyatda olan şpiris istehsalçısı “Diamed Co” Məhdud Məsuliyyətli Cəmiyyəti 2022-ci ildə 2.18 milyon manat xalis mənfəət əldə edib.
Banker.az bunu şirkətin illik audit hesabatına istinad edir.
2021-ci ildə şirkətin xalis mənfəəti 2.41 milyon manat idi.
Şpiris istehsalçısı 2022-ci ildə 7.69 milyon manat həcmində gəlir əldə edib ki, bu illik 9% artım deməkdir.
Şirkətin balansımda 1 yanvar 2023-cü il tarixinə 27 min manat bölüşdürülməmiş mənfəəti var. Buna səbəb 2021-ci ildə 1.05 milyon və 2022-ci ildə 3.56 milyon manat səhmdarlara dividemd elan etməsidir.
Xatırladaq ki, “Diamed Co” MMC 2017-ci ildə dövlət qeydiyyatına alınıb, 9 519 934 manat nizamnamə kapitalı var. Müəssisədə İsveçrə, Almaniya, Yaponiya və qabaqcıl Avropa ölkələrinin texnologiyaları əsasında müxtəlif tutumlu birdəfəlik şprislərin istehsalı həyata keçirilir.
