30 sentyabr 2015-ci ilin tarixinə TuranBankın aktivləri 2014-cü ilin müvafiq dövrü ilə müqayisədə 65%, ilin əvvəlinə nisbətən isə 44% artaraq 460,3 mln. manat təşkil etmişdir. Bankın kredit portfeli isə ötən ilin yanvar-sentyabr ayları ilə müqayisədə 21%, ilin əvvəlindən isə 17% artaraq 257,7 mln. manata çatmışdır.
30 sentyabr 2015-ci il tarixinə Bankın müştəri hesabları və depozit portfeli 2014-cü ilin müvafiq dövrü ilə müqayisədə 71%, ilin əvvəlinə nisbətən isə 57% artaraq 225,9 mln. manat təşkil etmişdir. Depozit portfelinin strukturunda fiziki şəxslərin müddətli əmanətlərinin həcmi keçən ilin müvafiq dövrünə nisbətən 24%, cari ilin əvvəli ilə müqayisədə isə 16,3% artaraq 83,9 mln. manat olmuşdur.
2015-ci ilin 30 sentyabr tarixinə Bankın nizamnamə kapitalı 2014-cü ilin müvafiq dövrü ilə müqayisədə 6% artaraq 50 mln. manat, məcmu kapitalı isə 53 mln. manat təşkil etmişdir.
2015-ci ilin yanvar-sentyabr aylarının fəaliyyətinin nəticələrinə əsasən Bankın gəlirləri 26,6 mln. manat, xərcləri isə 26,1 mln. manat təşkil etmişdir. Hesabat dövrü ərzində Bankın mənfəəti 443 min manat olmuşdur.
