Ötən il Azərbaycanda bərpa olunan enerji resurslarının istifadə gücü 17 faiz olub. 2030-cu ilədək Azərbaycan hökuməti bərpa olunan enerji tutumunu 30 faizədək artırmağı hədəfləyib.
Bunu “Dayanıqlı İnkişafa dair 2-ci Bakı Forumu”nda çıxışı zamanı Türkiyə İnvestisiya və İnkişaf Bankının vitse-prezidenti Seçili Yıldız deyib.
O bildirib ki, ölkənin iqtisadi cəhətdən məqsədəuyğun və texniki cəhətdən istifadə oluna bilən bərpa olunan enerji ehtiyatları potensialı 27 min meqavatdır ki, bunun da 3 min meqavatı külək, 23 min meqavatı günəş, 380 meqavatı bioenejinin, 520 meqavatı isə hidrogen enerjisinin payına düşür.
