“Bakı Fond Birjası” QSC Azərbaycan Dövlət İqtisad Universitetində fəaliyyət göstərən maliyyə laboratoriyasında beynəlxalq valyuta-kredit münasibətləri fənni üzrə “Beynəlxalq maliyyə bazarları” mövzusunda ilk seminar-məşğələsini keçirib.
QSC-dən Banker.az bildiriblər ki, məşğələ zamanı müxtəlif multimedia vasitələri ilə tələbələrə maliyyə bazarları, onların iştirakçıları və bu bazarlara daxil olunan alətlər barədə məlumat verilib. Tələbələr “Elektron Birja Simulyatoru” vasitəsi ilə fond birjalarının fəaliyyəti, birjalarda qiymətlərin formalaşması prinsipləri ilə əyani şəkildə tanış olub, simulyasiya qaydasında təşkil edilmiş ticarət əməliyyatlarında iştirak ediblər.
