Çin, Rusiya, Kanada və Hindistandan olan tədqiqatçılar 2035-ci ilə qədər ÇXR iqtisadiyyatının dünyanın ən böyük iqtisadiyyatına çevriləcəyinə dair hesabat hazırlayıblar. Onların proqnozuna görə, bu zamana kimi Çinin əksər sənaye sahələrində elmi və texnoloji gücü dünya səviyyəsinə çatacaq.
Ekspertlər hesab edirlər ki, Çin 2029-cu ilə qədər karbon emissiyalarını azaltmaq məqsədinə nail olacaq, sonra bu rəqəmi ildə 400 milyon ton azaltmağa davam edəcək. Bu tarixə qədər Çin şəhərlərinin yarıdan çoxu tamamilə yaşıl enerji mənbələrinə keçəcək.
Hesabat “Həlledici döyüş: Çin islahatının hərtərəfli dərinləşdirilməsində irəliləyiş, yeni erada açılışın yüksək keyfiyyətli standartlarının təmin edilməsi və 2029 və 2035-ci illər üçün perspektivlər” adlanır. Sənəd Pekində təqdim olunub.
İkinci rübün nəticələrinə görə, ÇXR iqtisadiyyatının artımı səngiyib və proqnozlardan pis olub: aprel-iyun aylarında ölkənin ÜDM-i birinci rübdə 4.7 faiz artıb. Tələbin dəstəklənməsi üçün görülən tədbirlərə baxmayaraq, ölkə daxili istehlakı canlandıra bilmir: iyun ayında pərakəndə satışlarda 2022-ci ilin sonundan bəri minimum artım qeydə alınıb. Səbəblər arasında işçilərin maaşlarının aşağı, gənclər arasında işsizliyin yüksək olması göstərilir.
