“Azərsun Holdinq” MMC-nin konserv zavodu “Qafqaz Konserv Zavodu” Məhdud Məsuliyyətli Cəmiyyətinə yeni direktor təyin edilib.
Banker.az xəbər verir ki, 11 ildir direktor olan Rüstəm Rüstəmov Qərib oğlu vəzifəsindən ayrlıb.
Onu bu vəzifədə Famil Qeybullayev Ənbala oğlu əvəz edib.
Xatırladaq ki, “Qafqaz Konserv Zavodu” MMC 2002-ci ildə təsis edilib və 47.92 mln. manat nizamnamə kapitalına sahibdir. Zavod Xaçmaz rayonunda fəaliyyət göstərir. Müəssisənin ümumi sahəsi 40 hektara yaxındır və illik 20-25 (faktiki 13-15) min ton meyvə-tərəvəz konservi və 9 (faktiki 6) min ton ət konservi məhsullarının istehsalı gücünə malik olmaqla, Azərbaycan Respublikasının Şimal Regionunda Kənd Təsərrüfatı məhsullarının əsas alıcısı kimi fəaliyyət göstərir. Müəssisədə 350 nəfərdən artıq işçi çalışır.
Banker.az-ın araşdırmasına görə, indiyə qədər şirkətə bu şəxslər rəhbərlik ediblər:
- Zeynalzadə Əmir Baxşəli oğlu
- Brecoğlu Mehmet Ali Hasan Namik
- Rüstəmov Rüstəm Qərib oğlu
