Bakı şəhərinin Baş Planına uyğun olaraq hökumətin qarşımızda qoyduğu layihələrdən biri də yağış sularının toplanması və təkrar istifadəsi ilə bağlıdır.
Bunu jurnalistlərə açıqlamasında İri Şəhərlərin Birləşmiş Su Təchizatı Xidmətinin İdarə heyətinin sədr müavini Cabbar Cabbarlı deyib.
O, bildirib ki, bu istiqamətdə Ələt Azad İqtisadi Zonasında dövlət tərəfindən müəyyən işlər aparılıb:
“Orda yağış sularının toplanılması üçün xüsusi rezervuarlar hazırlanıb. Yəni prosesin ilkin mərhələsinə artıq başlanılıb. Qalan proseslər böyük bir infrastruktur işləridir. Bu məsələ üzərində işlər görülür”.
