BP şirkəti Xəzər regionunda investisiya imkanlarını genişləndirməyi planlaşdırır.
Bunu BP şirkətinin Azərbaycan, Gürcüstan və Türkiyədə quyular üzrə vitse-prezidenti Rassel Morris Bakıda keçirilən “IADC Drilling Caspian 2025” qazma konfransında bildirib.
“Biz yüksək iş tempini qoruyaraq Xəzər regionunu fəal şəkildə inkişaf etdirməyə davam edirik. Hazırda AÇG yataqlar blokunda hasilatın təbii azalması müşahidə olunur, Şahdənizin gücü isə tam istifadə olunur. Biz həmçinin Xəzər regionunda investisiya imkanlarını genişləndirməyə imkan verəcək yeni layihələrə start verməyi planlaşdırırıq”, – Rassel Morris qeyd edib.
