Azərbaycanda fəaliyyət göstərən Böyük Britaniyanın mədən şirkəti “Anglo Asian Mining plc” 2025-ci il üzrə yenilənmiş hasilat proqnozunu açıqlayıb.
Banker.az xəbər verir ki, “Gilar” və “Dəmirli” yataqlarının istismara verilməsi nəticəsində hasilat həcmi əhəmiyyətli dərəcədə artacaq və “Anglo Asian” əsasən mis istehsalçısına çevriləcək.
Yeni məlumatlara görə, 2025-ci il üzrə hasilat proqnozu belədir:
▫️ Mis: 8 100 – 9 000 ton
▫️ Qızıl: 25 000 – 28 000 unsiya
Əvvəlki 2025-ci il üzrə proqnozu təxminən 4 600–4 900 ton mis idi və bunun yalnız Gədəbəy üçün hesablamışdı.
2024-cü ildə şirkət cəmi 377 ton mis və 15 073 unsiya qızıl istehsal etmişdi. Gilar yatağında hasil edilən yüksək keyfiyyətli filiz (3,5–4% mis və hər ton üçün 2 q qızıl) hazırda ehtiyat kimi toplanır və 2026-cı ilin əvvəllərində genişləndirilmiş Gədəbək flotasiya zavodunda emal ediləcək. Zavodun gücü iki əlavə filter-press və yeni flotasiya kameraları ilə artırılır.
Dəmirli misi isə iyuldan istismardadır və ilin sonuna qədər tam gücdə işləməsi gözlənilir. Burada hasil olunan konsentrat satışı üçün lazımi icazələrin 2025-ci ilin oktyabrında tamamlanacağı, noyabrda satışların başlayacağı planlaşdırılır.
Şirkət 2025-ci ildə dövlət vəsaitlərinin 125–140 milyon dollar gəlir, faizlər, vergilər, amortizasiya və əsas vəsaitlərin köhnəlməsi çıxılmadan əvvəlki mənfəəti 40–50 milyon dollar olacağını gözləyir.
CEO Rza Vəziri bildirib ki, iki yeni mədənlə Anglo Asian çoxaktivli hasilatçısına çevrilib və yaxın illərdə orta səviyyəli istehsalçı statusuna çatmağı hədəfləyir.
