ABŞ prezidenti Asiya turu çərçivəsində Cənubi Koreyanın Pusan şəhərinə səfər edəcək və orada Çin Xalq Respublikasının lideri ilə görüş keçirəcək. Çin XİN-nin məlumatına görə, danışıqlar 30 oktyabr tarixində baş tutacaq.
Si Cinpin və Donald Tramp iki ölkə arasında strateji xarakterli məsələlər üzrə fikir mübadiləsi aparacaq və qarşılıqlı maraq doğuran mövzuları müzakirə edəcəklər, deyə Çin Xarici İşlər Nazirliyinin bəyanatında qeyd olunur.
Nazirliyin rəsmi nümayəndəsi Qo Ciaxun brifinqdə bildirib ki, Pekin Vaşinqtonla qarşılıqlı əməkdaşlığa hazırdır və görüşün müsbət nəticələr verməsi, həmçinin Çin–ABŞ münasibətlərinin sabit inkişafına yeni təkan verilməsi üçün çalışır.
