Nyu-Yorkun iki rayonundan olan 160 sakin eksperimental proqramda iştirak edirlər. Bu proqram çərçivəsində hər bir iştirakçıya 12 000 dollar məbləğində USDC steyblkoini köçürüləcək, “Business Insider” yazır. Sentyabr ayından etibarən iştirakçılar ayda 800 dollar alırlar, noyabrda isə onlar birdəfəlik 8 000 dollar ödənişi əldə ediblər.
Təşəbbüsə ABŞ-nin ən böyük kriptobirjası “Coinbase” sponsorluq edir, təşkilatçısı isə xeyriyyə təşkilatı “GiveDirectly”dir. Ödənişlər üçün hər hansı şərt tələb olunmur — proqram şərtsiz gəlir prinsiplərinə əsaslanır.
Adi pul əvəzinə kriptovalyutadan istifadə etmək iştirakçıların bu formata münasibətini və vəsaitə necə sərf etmələrinə təsir edib-etmədiyini yoxlamağa imkan verəcək. Eksperimentin nəticələri 2026-cı ilin fevralında gözlənilir.
