®Azərbaycanın aparıcı maliyyə qurumlarından biri olan Xalq Bank 21 illiyini qeyd edir. 2004-cü ildə fəaliyyətə başlayan Xalq Bank ötən illər ərzində dayanıqlı inkişaf yolu keçərək müştərilərinin etimadını qazanmış, ölkənin bank sektorunda etibarlı tərəfdaş kimi mövqeyini möhkəmləndirmişdir.
Yarandığı gündən başlayaraq Xalq Bank fəaliyyətində müştəriyönümlülük, etibarlılıq və davamlı inkişaf prinsiplərini əsas tutmuşdur. Bu gün ölkə üzrə Xalq Bank geniş filial şəbəkəsi, çeşidli məhsul və xidmətlər, eləcə də çevik bank həlləri ilə müştərilərinə rahat, təhlükəsiz və əlçatan maliyyə xidmətləri təqdim edir. Xalq Bankın uğurlarının əsasında peşəkar komanda, güclü korporativ mədəniyyət və müştərilərin Banka göstərdiyi davamlı etimad dayanır.
Ötən 21 il ərzində Xalq Bank müxtəlif korporativ sosial məsuliyyət istiqamətli layihələr həyata keçirmiş, “Xalq Əmanəti” sosial-mədəni layihəsi çərçivəsində 26 kitab nəşr etdirməklə milli mədəni irsin qorunub gələcək nəsillərə çatdırılması və milli mədəniyyətimizin dünyada tanıdılması istiqamətində mühüm işlər görmüşdür.
Xalq Bank səhmdar, müştəri, biznes tərəfdaş və əməkdaşlarına göstərdikləri etimada görə dərin minnətdarlığını bildirir, 2026-cı ildə birlikdə yeni uğurlara imza atmaq ümidi ilə qarşıdan gələn 31 dekabr Dünya Azərbaycanlılarının Həmrəyliyi Günü və Yeni il bayramlarını təbrik edir!
