Türkiyə Mərkəzi Bankı 2026-cı ildə portfelindəki dövlət istiqrazlarının həcmini 262 mlrd lirədən 450 mlrd lirəyə artırmağı planlaşdırır.
Banker.az xəbər verir ki, bu barədə Bloomberg yazır.
Məqsəd lirada likvidlik idarəetməsini gücləndirmək və əməliyyat çevikliyini artırmaqdır. Alışlar açıq bazar əməliyyatları vasitəsilə aparılacaq və kəmiyyət yumşaldılması kimi qiymətləndirilməyəcək.
2025-ci ildə TCMB artıq 124 mlrd lirəlik istiqraz alışı həyata keçirib. Bu alışlara mart ayında baş verən siyasi hadisələrdən sonra yaranan likvidlik çatışmazlığının kompensasiyası da daxildir. Tənzimləyici mövcud məzənnə rejimini qoruyacaq, lirənin kursunu diqqətlə izləməyə davam edəcək və əsas siyasət aləti olaraq bir həftəlik repo dərəcəsi qalacaq.
